John pwerteng gugmaha ni Heart
By: Ryan Mark   From: Banat tabloid
[November 05, 2006]


    Giangkon ni John Prats, nga super inlove siya ni Heart Evangelista kaniadto hinungdan nga dihang nagbuwag sila naglisod siya og dawat sa kamatuoran.

    Apan matud pa niya ngadto sa PangMasa kinahanglan niya nga mo-move-on busa aron makalimot bisan kinsa na lang ang iyang gika-date apan sa kauwahian si Heart pa gihapon ang iyang gipangita.

    "'Yung mga qualities ni Heart, hinahanap ko pa rin sa mga babaeng dine-date ko kaya wala rin," saysay niya ngadto sa PangMasa.

    Matud niya dihay higayon nga nagtuo siya nga si Nancy Castiglione na ang mohulip sa dapit nga gitalikdan ni Heart diha sa iyang dughan apan matud niya wala mahinayon.

    Pwes ang ending anaa ra diay sa tapad niya ang iyang gipangita-- si Miakka Lim nga last year pa niya nakaila ug nahigala

    Karon pa lang tuiga niya gipanguyaban si Miakka ug matud pa niya, developed love ang nahitabo nila tungod kay nagtuo siya nga kutob ra gayud sila sa paghigalaay.

    Open si John sa mao nilang relasyon ug gani kanunay man mobisita si Miyaka sa set sa "Super Noypi." Wish niya nga magdugay sila tungod kay matud ni John, three years ang iyang gipaabot una pa niya nakaplagi ang babae nga maoy subling naghatag niya og kalipay.