John Prats di na mobalhin sa GMA By: ---   From: SunStar Davao [Agusto 12, 2008] Human nga na-baniog nga mobalhin na sa Kapuso Channel ang markadong Kapamilya nga si John Prats, chika na sab karon nga gibawi na niini ang plano'ng pag-“ober-da-bakod.” Sumala sa chika, na-ulian daw si John gikan sa paghuna-huna nga mobalhin og network tungod sa kakuwang sa project sa ABS-CBN human nga may gihanyag na ang Kapamilya kaniya'ng nindot nga trabaho. Karon, naka-decide na daw si John kauban ang iyang manager nga si Arnold Vegafria nga mopabilin sa ABS-CBN. Matud sa source, nakig-meet sila si John ug ang manager niini sa mga ABS-CBN big bosses nga sila si Cory Vidanes ug Deo Endrinal. Sa panagtigom, gihisgutan ang bongga nga project alang kang John nga enough na aron di siya mobalhin sa Kapuso. Karong adlawa, gi-chika nga mahitabo ang contract-signing ni John diin i-announce na sab ang bag-ong project nga buhaton niini sa Kapamilya. Una pa man ang contract signing, may mga nagsulti na nga ang project ni John, kabahin sa Komiks Present Mars Ravelo. Si John ang giingo'ng modala sa papel isip “Tiny Tony” ug naa pa siya'y Your Song alang sa buwan sa Septyembre. Anyway, bisan pa man sa chika nga planong pagbalhin sa Kapuso, aminado ang kampo ni John nga lisod sab kini buhaton sa young actor tungod kay ang ABS-CBN ang nahimo niya'ng pinuy-anan sud na sa 17 years. O diba?