John on Shaina: "Mabait pero medyo selosa"
By: Nel Alejandrino   From: People's Tonight
[January 02, 2009]

Nakakahawa ang excitement ni John Prats kapag nagkukuwento siya tungkol sa young girlfriend na si Shaina Magdayao. He feels so lucky, ayon sa kanya, na “kanya” nga si Shaina.

Sa totoo lang daw, wala sa agenda niya na ligawan ang dalaga. Pero naging close nga sila nu’ng mabuo ang Ultimate Dance Four na kinabibilangan din nina Rayver Cruz at Maja Salvador.

As we all know, sila ni Maja ang magkapareha sa grupo. Sina Shaina at Rayver naman.

There came a time daw naging phonepal sila. Inaabot daw sila ng ilang oras sa pag-uusap ng kung anik-anik lang. Enjoy na enjoy daw sila sa isa’t isa.

Minsan daw, tinanong niya si Shaina kung boyfriend nito si Rayver. Ang sagot daw nito ay hindi.

Ganunpaman, in respect kay Rayver, he asked the latter’s permission na ligawan si Shaina.

Sabi daw ni Rayver sa kanya, “no problem.”

E, kelan siya sinagot ni Shaina? Tanong namin.

“Actually,” tugon ni John. “Walang pormal na ligawang namagitan sa amin. Before we knew it, kami na.”

Kumusta naman si Shaina bilang girlfriend?

“Mabait siya. Medyo selosa nga lang,” sagot ni John.

Kuwento ni John, nang mag-guest daw siya sa Banana Split, ang naging concerned daw kaagad ni Shaina ay baka halikan siya ni RR (Enriquez). RR kasi, among the regular cast of Banana Split, kasama nina Angelica Panganiban, Cristine Reyes, Princess Ryan, among others, has this habit of magnakaw ng halik sa kanilang mga bisitang actor.

Mabuti na lang daw ’di naman siya hinalikan ni RR.

* * *

John, together with Zanjoe Marudo and Jayson Gainza, is in the cast of the upcoming comedy show, Parekoy, which will start airing on Monday.

Zanjoe, like John, is in love, too. And doesn’t make secret about it. After all, the love of his life is popular tv and radio host Mariel Rodriguez.

Like John, who celebrated Christmas and the New Year with Shaina as his sweetheart for the first time, first time din nina Zanjoe at Mariel to mark the two important occasions bilang lovers.

“Ang sarap isiping may nagmamahal sa ‘yo,” pahayag ni John. “We both hope na kami na ngang dalawa.”

First boyfriend ni Shaina si John, na na-link kay Heart Evangelista, Jen Hernandez at ang estudyante ng De La Salle University na si Miyaki Lim.